कुरडचडेतील रिव्होल्युशनरी गोवन्स उमेदवार, आदित्य देसाई यांनी परप्रांतीयांकडून केल्या जाणाऱ्या अवैध धंद्यांना मोकळीक दिल्याबद्दल पर्यावरण मंत्री आणि स्थानिक आमदार नीलेश काब्राल यांच्यावर टीका केली. कोमुनिदात जमिनीवर स्थलांतरितांनी बांधलेल्या झोपडपट्टी भागात बेकायदेशीर वीज आणि पाण्याची जोडणी देणे, टेकड्या आणि खाजगी जंगलाचा विध्वंसतता तसेच कुडचडे मधील सीआरझेड नियमांचे उल्लंघन केल्याबद्दल त्यांनी स्थानिक आमदारावरही टीका केली.
गेल्या वीस वर्षात कुडचडेच्या आमदाराने मतदारांकडे कसे दुर्लक्ष केले त्यावर आदित्य देसाई यांनी भाष्य केले. भाजपला कुडचडेत कोळसा केंद्र बनवायचे आहे आणि ते काब्राल यांच्या नेतृत्वाखाली होत आहे. गेल्या दोन दशकांपासून कुडचडे मधील लोकांना सावत्र आईसारखी वागणूक दिली जात आहे. स्थानिकांना नोकऱ्या आणि व्यवसाय उपलब्ध करून देण्यात सरकार पूर्णपणे अपयशी ठरले आहे. भूमिपुत्र विधेयक आणि नाव, आडनाव बदल दुरुस्ती विधेयक ही दोन कठोर विधेयके आहेत. कायदा मंत्री काब्राल फसव्या पद्धतीने पास करण्याचा प्रयत्न करत होते आदित्य म्हणाले.
कुडचडेतील आंबेडकर सर्कलजवळ झालेल्या कोपरा बैठकीत त्यांनी ठोस व्हिडिओ आणि कागदोपत्री पुराव्यासह एलईडी स्क्रीनवर कुडचडेमध्ये होत असलेल्या बेकायदेशीर गोष्टींचा पर्दाफाश केला. जनतेने त्यांना मत दिल्यास कुडचडेचा बाजार गोवेकरांच्या ताब्यात मिळेल, असे आश्वासनही देसाई यांनी जनतेला दिले.
कुडचडे मध्ये स्थलांतरितांचा ओघ वाढला आणि बाजारपेठेत फेरीवाल्यांनी भरून गेले. खाण घोटाळा आणि स्थानिकांना पर्यायी रोजगार उपलब्ध करून देण्यात सरकार अपयशी असा मुद्दा रिव्होल्युशनरी गोवन्स संस्थापक मनोज परब यांनी उपस्थित केला. आमदारांनी खाण लुटीतून जमा केलेला पैसा त्यांच्या वाईट काळात कुडचडेच्या स्थानिकांच्या कल्याणासाठी वापरला गेला नाही. खाण अवलंबितांना कुडचडे बाजारपेठात व्यवसायाची संधी द्यायला हवी होती; तथापि, स्थलांतरितांना संधी देण्यात आली. खाण व्यवसाय सुरू होवो केव्हा नाही पण पर्यायी रोजगाराचा मार्ग कुडचडेच्या जनतेला आरजी नक्की उपलब्ध करून देईल अशी हामी परब यांनी दिली.
Loading ...
