भाजपचे डबल इंजिन फेल : कन्हैया कुमार

भाजपचे डबल इंजिन फेल : कन्हैया कुमार

पणजी : भाजपचे ‘डबल इंजिन’ तरुणांना रोजगार देण्यात आणि बहुजन समाजाच्या समस्या सोडवण्यात अपयशी ठरले आहे अशी टिका काँग्रेसचे युवा नेता कन्हैया कुमार यांनी म्हापसा येथे झालेल्या ‘बहुजन संवाद’ कार्यक्रमात केला.

त्यांनी यावेळी विविध मुद्द्यांवरून पंतप्रधान नरेंद्र यांच्यावर टिका केली. करदात्यांच्या पैशांनी मोदी सूट बूट, विमान आणि महागडी गाडी कसे घेत आहेत त्याच्यावर त्यांनी टिप्पणी केली.

कन्हैया कुमार यांनी ‘बहुजन संवाद’ कार्यक्रमातून गोव्यातील बहुजन समाजाशी संवाद साधला.

“भाजपचे डबल इंजिन नीट चालले असते, तर बिहारचे तरुण नोकरीच्या शोधात गोव्यात आले नसते. बिहारमध्ये आणि केंद्रातही भाजपची सत्ता आहे, मग ही दोन्ही इंजिने का बिघडली आहेत.’’ असा सवाल त्यांनी केला.

गोव्यातील खाणकाम पुन्हा सुरू करण्यात आणि तरुणांना रोजगार उपलब्ध करून देण्यातही डबल इंजिन अपयशी ठरल्याचेही ते म्हणाले. “भाजप दहा वर्षांच्या सत्तेचा आणि विकासाचा खोटा प्रचार विजेच्या खांबावर बॅनर लावून करत आहे, तोही करदात्यांच्या पैशाचा वापर करून.” असे ते म्हणाले.

काँग्रेसचे निरीक्षक पी.चिदंबरम, जीपीसीसीचे अध्यक्ष गिरीश चोडणकर, अमरनाथ पणजीकर, विजय‌ भिके शंभूभाऊ बांदेकर, चंद्रकांत चोडणकर, विठू मोरजकर, अमेय कोरगावकर, बाबी बागकर, संगीता परब, संदेश खोर्जुवेकर, ॲड. वरद म्हार्दोळकर, सुधीर कांदोळकर,साईश आरोसकर, प्रवक्ते तुलिओ डिसूझा, सुदिन नाईक, फिरोज खान आदी यावेळी उपस्थित होते.

“भाजपने लोकशाहीत लोकांचे प्रश्न वळवण्यासाठी ट्रेंड आणला आहे. बहुजनांची मते मिळवणे आणि मोदींच्या भांडवलदार मित्रांना फायदा मिळवून देणे हे त्याचे सत्तेचे मॉडेल आहे. त्याला देश आपल्या मित्रांना विकायचा आहे.” असा त्याने आरोप केला.

मोदींवर टिका करताना कन्हैया कुमार म्हणाले की, मोदींनी ८५०० कोटी रुपयांचे विमान आणि १६ कोटींचे वाहन खरेदी केले आहे. “कोरोनाचा प्रसार रोखण्या पासून कर भरण्याची जबाबदारी लोक घेत आहेत. पण सरकार काय करत आहे.” असा प्रश्न त्यांनी केला.

“संविधानाने आपल्याला समानता दिली आहे आणि काँग्रेसने आपल्याला स्वातंत्र्य, मुक्ती दिली आहे. काँग्रेस लोकांच्या हितासाठी काम करते आणि मला विश्वास आहे की सत्तेत आल्यावर बेरोजगारीचा प्रश्न सोडवेल.’ असे तो म्हणाला.

लोकशाहीचा पाया वाचवा, असे आवाहन त्यांनी केले. “ज्या पक्षाने भारताच्या स्वातंत्र्यलढ्यात भाग घेतला नाही, तो कधीही राष्ट्रहितासाठी काम करणार नाही, हे आपण सर्वांनी आत्मपरीक्षण करण्याची गरज आहे. त्यांची प्रवृत्ती हे राष्ट्र त्यांच्या भांडवलदार मित्रांना विकण्याची आहे.” असे तो म्हणाला.

शंभूभाऊ बांदेकर म्हणाले की, काँग्रेसने नेहमीच बहुजनांच्या हिताचे काम केले असल्याने बहुजन समाजाने काँग्रेसला बहुमताने विजयी केले पाहिजे.

उत्तर गोवा जिल्हाध्यक्ष विजय भिके म्हणाले की, गोवा मुक्तीसाठी, गोव्याची अस्मिता जपण्यासाठी बहुजन समाजाचे योगदान आहे. गोव्यातील जनतेसाठी काँग्रेस हा एकमेव पर्याय आहे.

सुधीर कांदोळकर म्हणाले की, बहुजन समाज एकसंध राहिला तर सर्व मागण्या मान्य करता येतील. “आपण एकसंघ राहून राज्य आणि राष्ट्राच्या हितासाठी काम केले पाहिजे.

यावेळी रामकृष्ण जल्मी, विठू मोरजकर, राजन घाटे यांची भाषणे झाली.
महादेव खांडेकर यांनी स्वागत केले. अमेय कोरगावकर यांनी आभार मानले तर अमरनाथ पणजीकर यांनी सूत्रसंचालन केले.