जिओच्या सागरी केबलद्वारे भारत आणि सिंगापूरशी जोडला जाणार मालदीव

• जिओ आणि ओशन कनेक्ट च्या सहकार्याने IAX केबल मालदीवला जोडणार
• क्षमता 200 टेराबाइट्सपेक्षा जास्त

रिलायन्स जिओ इन्फोकॉम लिमिटेडची (जिओ) नेक्स्ट जनरेशन मल्टी-टेराबिट इंडिया-एशिया-एक्सप्रेस (IAX) समुद्राखालील केबल सिस्टीम मालदीवमधील हुलहुमालेला जोडेल. उच्च-क्षमता आणि उच्च-गती IX प्रणाली हुलहुमले थेट भारत आणि सिंगापूरशी जोडेल.

मालदीवच्या पहिल्या आंतरराष्ट्रीय केबलच्या शुभारंभाच्या वेळी बोलताना, मालदीवचे आर्थिक विकास मंत्री उझ फय्याज इस्माइल म्हणाले: “आमच्या कनेक्टिव्हिटी पायाभूत सुविधा वाढवण्याच्या आणि सुरक्षित, परवडणारी आणि उच्च दर्जाची सेवा प्रदान करण्याच्या दिशेने हे पहिले पाऊल आहे. लोकांना मोठ्या संधी उपलब्ध होतील. आमच्या अर्थव्यवस्थेत विविधता आणण्याचे आणि दक्षिण आशियातील एक प्रमुख दळणवळण केंद्र म्हणून प्रस्थापित करण्याचे आमचे उद्दिष्ट आहे. आर्थिक विकासाव्यतिरिक्त, संपूर्ण मालदीवमध्ये हाय-स्पीड इंटरनेट अॅक्सेसद्वारे सामाजिक समर्थन प्रदान करणे हे देखील आमचे उद्दिष्ट आहे. यामुळे विकासाला गती येईल तसेच आम्हाला हवी असणारी न्याय्यता साध्य करण्यात मदत करेल”

मॅथ्यू ओमन, रिलायन्स जिओचे अध्यक्ष; मालदीव सरकार आणि जिओसोबत काम केल्याबद्दल आनंद व्यक्त करताना म्हणाले, “आजची जागतिक अर्थव्यवस्था चांगल्या ब्रॉडबँडद्वारे चालविली जाते, जी लोक, व्यवसाय, सामग्री आणि सेवांना जोडते. IAX केवळ मालदीवच नाही तर जगातील सामग्री हबशी देखील जोडते, मालदीव सरकारने सुरू केलेल्या अनेक नवीन उपक्रमांमुळे उद्भवलेल्या डेटाच्या उच्च मागणीला देखील ते समर्थन देईल.”

IAX प्रणाली पश्चिमेकडील मुंबईहून निघून भारताला थेट सिंगापूर तसेच मलेशिया आणि थायलंडशी जोडेल. इंडिया-युरोप-एक्स्प्रेस (IEX) प्रणाली मुंबईला मिलान, इटली आणि मध्य पूर्व, उत्तर आफ्रिका आणि भूमध्य समुद्राशी जोडेल. IAX 2023 च्या उत्तरार्धात सेवेसाठी तयार होईल, तर IEX 2024 च्या मध्यात सेवेसाठी सज्ज असेल.

या उच्च-क्षमता आणि उच्च-गती प्रणाली 16000 किमी हुन अधिक, 100Gb/s च्या वेगाने, 200Tb/s पेक्षा जास्त क्षमता वितरीत करतील. IEX आणि IAX एकत्रितपणे दूरसंचार पायाभूत सुविधा अतिशय मजबूत बनवतील, दूरसंचार क्षेत्रातील हा दशकातील सर्वात मोठा आणि महत्त्वाचा बदल असेल.