*राष्ट्रीय सुरक्षेला धोका ठरू शकेल ‘हलाल प्रमाणपत्र’ असलेल्या वस्तूंची खरेदी-विक्री करू नका ! – हलाल सक्तीविरोधी कृती समितीची म्हापसा येथील विविध आस्थापनांकडे मागणी
*
म्हापसा, 24 नोव्हेंबर – राष्ट्रीय सुरक्षेला धोका ठरू शकेल अशा ‘हलाल’ अर्थव्यवस्थेला प्रोत्साहन देणार्‍या ‘हलाल प्रमाणपत्र’ असलेल्या वस्तूंची खरेदी-विक्री करू नये, असे आवाहन हलाल सक्तीविरोधी कृती समितीने ‘बार्देश बाजार’ व ‘म्हापसा बाजार’, या गृहोपयोगी वस्तूंची खरेदी-विक्री करणार्‍या आस्थापनांकडे केली आहे. हलाल सक्तीविरोधी कृती समितीच्या शिष्टमंडळाने विविध आस्थापनांच्या व्यवस्थापनांची भेट घेऊन त्यांच्याकडे एका निवेदनाद्वारे ही मागणी केली. या शिष्टमंडळामध्ये हलाल सक्तीविरोधी कृती समितीच्या निमंत्रक सौ. शुभा सावंत, ‘रणरागिणी’च्या सौ. राजश्री गडेकर, सौ. हेमश्री गडेकर, ‘सुराज्य न्यासा’च्या श्रीमती चंद्रिका पाडगावकर, ‘राष्ट्रीय मातृ शक्ती’च्या सौ. शुभांगी गावडे, गोमंतक मंदिर महासंघाचे श्री.चंद्रकांत (भाई) पंडित व श्री. जयेश थळी, ‘हिंदू युवा वाहिनी’चे श्री सुभाष कुशवाह यांचा समावेश होता.
या निवेदनात म्हटले आहे की, भारतात हलाल प्रमाणपत्र देणारी ‘जमियत उलेमा-ए-हिंद’ ही एक मुख्य संघटना आहे. या संघटनेने ७/११ चा मुंबई रेल्वे बॉम्बस्फोट, वर्ष २००६ चा मालेगाव बॉम्बस्फोट, पुण्यातील जर्मन बेकरी बॉम्बस्फोट, २६/११ चे मुंबईवरील आक्रमण, मुंबईतील झवेरी बाजारातील साखळी बॉम्बस्फोट, आदी अनेक आतंकवादी घटनांतील मुसलमान आरोपींसाठी कायदेशीर साहाय्य उपलब्ध करून दिले आहे. अशा एकूण ७०० जणांचे खटले जमियत ही संघटना लढवत आहे. यासाठीचा लागणारा निधी हलाल प्रमाणपत्रांद्वारे हिंदूच त्यांना मिळवून देत आहेत. याचा अर्थ हलाल निधीचा वापर आतंकवादाच्या आरोपींना साहाय्य करण्यासाठी होत आहे, हे स्पष्ट आहे. देशाच्या हिताच्या दृष्टीने गृहोपयोगी वस्तूंची विक्री करणार्‍या संस्था अथवा दुकाने यांनी ‘हलाल प्रमाणपत्र’ असलेल्या वस्तूंची खरेदी-विक्री करू नये.
आपला विश्वासू,
सौ. शुभा सावंत, समन्वयक,
*हलाल सक्तीविरोधी कृती समिती*
Loading ...
