फळदेसाई यांनी केले शारदा विद्यालयाच्या ११० वर्षांचे स्मरण

फळदेसाई यांनी केले शारदा विद्यालयाच्या ११० वर्षांचे स्मरण

पणजी: कुंभारजुवाचे आमदार राजेश फळदेसाई यांनी गुरुवारी कुंभारजुवा येथील शारदा विद्यालय हायस्कूलच्या ११० व्या स्थापना दिनाचे स्मरण करून शाळेच्या आवारात प्रभावी कार्यक्रम आयोजीत केला होता.

यावेळी बोलताना फळदेसाई यांनी शाळेला एक उत्कृष्ट संस्था बनवण्यासाठी शिक्षकांनी अनेक वर्षांपासून केलेल्या प्रयत्नांची आठवण करून दिली.

“आजचा दिवस आनंदाचा आहे. शिक्षक, पालक प्रयत्नशील आहेत. शिक्षण, क्रीडा आणि आरोग्य हे आमचे ध्येय आहे. खेळामध्ये काय चालले आहे ते तुम्ही पाहू शकता आणि तो दिवस दूर नाही जेव्हा या शाळेत प्रवेशाची मागणी करणारे लोक देखील असतील,” अस फळदेसाई म्हणाले.

मुख्यमंत्री प्रमोद सावंत यांना राज्याबाहेर जावे लागल्याने या कार्यक्रमाला उपस्थित राहु शकले नाही, अन्यथा या कार्यक्रमाला प्रमुख पाहुणे म्हणून ते उपस्थित राहणार होते.

“मी मुख्यमंत्र्यांचे आभार मानू इच्छितो, जे सहसा अगदी वेळेवर येतात. ते वाटेत होते, पण अचानक त्यांना राज्याबाहेर जावं लागलं. ते खऱ्या अर्थाने शिक्षणमंत्री म्हणून शिक्षण खात्याकडे लक्ष देतात. ते मला नेहमी सांगतात, तुमच्या मतदारसंघात सर्व काही ठीक चालले आहे का, काही कमतरता असल्यास मला सांगा आणि मी ते सोडवण्याचा प्रयत्न करेन. येथे अनेक अशा गोष्टी आहेत, पण मी त्याच्याकडे या गोष्टी घेऊन जात नाही, कारण या मी स्वत: करू शकतो आणि करत राहीन,”असे फळदेसाई म्हणाले.

शिक्षण संचालक शैलेश झिंगडे यांनी शाळेतील शिक्षक, कर्मचारी आणि पालकांचे अभिनंदन केले की त्यांनी शाळेच्या वाढीसाठी आणि आसपासच्या शाळांमध्ये वेगळे स्थान मिळविण्यासाठी मदत केली आहे.तसेच सरकारी स्तरावर शाळेला आवश्यक मदत करण्याचे आश्वासन त्यांनी दिले.

“शाळा हा एक संघ आहे आणि मुख्याध्यापिका कर्णधार आहे. शाळेच्या यशासाठी केवळ इंग्रजी किंवा गणिताचे शिक्षक जबाबदार नाहीत, तर शिपायापासून ते लॅब असिस्टंटपर्यंत सर्वजण जबाबदार आहेत. शिक्षक हे अनेक प्रकारे डॉक्टरांसारखेच असतात. रुग्णाचा मृत्यू झाला तर दोष डॉक्टरांनाच मिळतो, पण रुग्ण वाचला तर त्याचे श्रेय सर्वांनाच जाते. शिक्षकांचेही असेच आहे, एखादा विद्यार्थी नापास झाला तर शिक्षक दोषी असतो, पण जर विद्यार्थी चांगले काम करत असेल तर त्याचे श्रेय ट्यूशन क्लासेसपासून ते इतरांपर्यंत सर्वांनाच मिळते, असे झिंगडे यांनी लहान सुरुवातीपासून शाळेला ११० वर्षे पूर्ण झाल्याबद्दल अभिनंदन करताना सांगितले.

झिंगडे म्हणाले की, शाळांना त्यांच्या उपकरणे आणि फर्निचरच्या गरजा पूर्ण करता याव्यात यासाठी सरकार विद्या सहाय्य योजना सुरू करू इच्छिते जे नंतर द्यायला इच्छुक असलेल्यांच्या माध्यमातून पूर्ण करता येईल. आम्हाला ही योजना सुरू करायची आहे, प्रत्येक शाळा पोर्टलवर टाकू शकते आणि जे कुणी देऊ शकतात ते अशा कामांसाठी पुढे येऊ शकतात, असे ते म्हणाले.

स्थानिक आमदार राजेश फळदेसाई यांनी शेवटच्या क्षणी कंत्राटदाराला फोन करून शाळेचा टप्पा पूर्ण करण्यास कशी मदत केली आणि ते देखील रात्रीच्या आत पूर्ण करण्यास सांगितले, याबाबत सांगितले.

“आम्ही आमचा शब्द पाळला पाहिजे की आम्ही ते एका विशिष्ट दिवशी पूर्ण करू,” फळदेसाई यांनी शाळेसाठी बांधलेल्या नवीन व्यासपिठाचे उद्घाटन केल्यानंतर सांगितले.

यावेळी मुख्याध्यापिका उज्वला पोतेकर यांचेही भाषण झाले.

फळदेसाई यांनी शाळेतील कर्मचारी आणि विविध क्षेत्रातील व्यक्तींचा त्यांच्या अनुकरणीय योगदानाबद्दल सत्कार केला. यावेळी एडीईआय निशा रायकर उपस्थित होत्या.