पणजी येथे हिंदु राष्ट्र-जागृती आंदोलनाद्वारे मागणी सनातन धर्माविषयी आक्षेपार्ह वक्तव्य करणारे उदयनिधी स्टॅलिन यांच्या विरोधात गुन्हा नोंदवून कठोर कारवाई करा !

!
पणजी येथे हिंदु राष्ट्र-जागृती आंदोलनाद्वारे मागणी
सनातन धर्माविषयी आक्षेपार्ह वक्तव्य करणारे उदयनिधी स्टॅलिन यांच्या विरोधात गुन्हा नोंदवून कठोर कारवाई करा !
पणजी, २१ ऑक्टोबर – तामिळनाडूचे मंत्री उदयनिधी स्टॅलिन, मंत्री प्रियांक खर्गे आणि खासदार ए. राजा यांनी सनातन धर्मावर आक्षेपार्ह विधान केल्याने समाजामध्ये धार्मिक तेढ आणि संघर्षाची स्थिती निर्माण झाली आहे. त्यामुळे तिघांच्या विरोधात ‘हेट स्पीच’ केल्याच्या प्रकरणी गुन्हे प्रविष्ट करावे. द्वेषमूलक विधाने (हेट स्पीच) करणार्‍यांना संविधानिक पदांवर रहाण्याचा अधिकार नसल्याने त्यांना विधीमंडळ आणि संसद येथून बडतर्फ करावे, अशा मागण्या विविध हिंदुत्वनिष्ठ संघटनांनी आझाद मैदान, पणजी येथे २१ ऑक्टोबर या दिवशी सायंकाळी राष्ट्रीय हिंदु -राष्ट्र जागृती आंदोलनाच्या माध्यमातून केल्या.
प्रारंभी हिंदु जनजागृती समितीचे श्री. युवराज गावकर यांनी आंदोलनाचा उद्देश स्पष्ट केला. यानंतर हिंदुत्वनिष्ठांनी उपस्थितांना संबोधित केले. यामधून पुढील सूर उमटला. आज हिंदुविरोधी लोक धर्मनिरपेक्षतेच्या आडून आणि ‘अभिव्यक्ती स्वातंत्र्या’च्या नावाखाली हिंदु धर्मावर आसूड ओढण्याचा प्रयत्न करत आहेत. उदयनिधी स्टॅलिन, प्रियांका खर्गे, खासदार ए. राजा हे ‘सनातन धर्मा’ची डेंग्यू, मलेरिया, कोरोना, एड्स आणि कुष्ठरोग आदी रोगांशी तुलना करून ‘सनातन धर्मा’ला नष्ट करण्याची भाषा करत आहेत. बहुसंख्य हिंदु समाजाच्या धार्मिक श्रद्धेवर घाला घातला जात आहे. कार्यक्रमाचे सूत्रसंचालन आणि आभार प्रदर्शन हिंदु जनजागृती समितीचे दक्षिण गोवा समन्वयक श्री. सत्यविजय नाईक यांनी केले.

आंदोलनामध्ये सहभागी संघटनांची नावे – भारत माता की जय, बजरंग दल, गोमंतक मंदिर महासंघ, हिंदु जनजागृती समिती, सनातन संस्था, रणरागिणी

आंदोलनाला संबोधित केलेल्या व्यक्त्यांची नावे – श्री. संदीप पाळणी, भारत माता की जय; श्री. अभिषेक बोरकर, बजरंग दल; श्री. प्रवीणचंद्र चौधरी, हिंदुत्वनिष्ठ, वास्को

आपला नम्र,
डॉ. मनोज सोलंकी
हिंदु राष्ट्र-जागृती आंदोलनाकरिता
(संपर्क : ९३२६१०३२७८ )