गोव्यात भारतीय आणि विदेशी पर्यटकांची आवक वाढली, विदेशी पर्यटक १३८.६९ टक्क्यांवर
पणजी, फेब्रुवरी ७, २०२४: वर्ष २०२२ च्या तुलनेत नोव्हेंबर २०२३ पर्यंत गोव्यात विदेशी पर्यटकांचे आगमन १३८.६९ टक्क्यांनी वाढले आहे, असे पर्यटन मंत्री श्री. रोहन अ. खंवटे यांनी आज सांगितले. ते गोवा विधानसभेत विरोधकांच्या प्रश्नांना उत्तरे देत होते. २०२३ मध्ये गोव्यात एकूण ८०.४८ लाख पर्यटकांची आवक झाल्याचा अंदाज आहे, जे मागील वर्षाच्या तुलनेत वाढ दर्शवते, असे खंवटे यांनी सभागृहाला सांगितले.
“नोव्हेंबर २०२३ पर्यंत, ४.०३ लाख परदेशी पर्यटक गोव्यात आले होते,” असे श्री. खंवटे म्हणाले. देशी पर्यटकांचीही आवक वाढली आहे. २०१९ मध्ये, ज्या वर्षी कोविड१९ महामारीने संपूर्ण जगाची अर्थव्यवस्था विस्कळीत केली, त्या वर्षी ७१.२७ लाख देशी पर्यटक आले होते. “नोव्हेंबर २०२३ पर्यंत, गोव्यात देशांतर्गत पर्यटकांची आवक ७२ लाख होती,” असे श्री. खंवटे यांनी सभागृहाच्या निदर्शनास आणून दिले.
श्री. खंवटे यांनी विरोधकांच्या प्रश्नांना उत्तर देताना अधोरेखित केले की रशियातील युद्धजन्य परिस्थितिमुळे आणि सोबतच इस्रायलमधील संघर्ष यांमुळे गोवा सरकारच्या पर्यटन विभागाची रणनीती, प्रचार आणि विपणन उपक्रम जगातील इतर प्रदेशांमध्ये करणे भाग पडले. यामुळे सरकारने फ्रान्स आणि युरोपच्या इतर देशांमध्ये आपला प्रसार करण्याचे योजिले.
हे उपक्रम उद्योजक व पर्यटकांना भारतात आकर्षित करण्यासाठी उद्योग आणि इतर भागधारकांशी जोडण्याचे सरकारचे प्रामाणिक प्रयत्न आहेत, असे त्यांनी ठामपणे सांगितले. या उद्देशानेच सरकार जागतिक प्रवासी बाजारासारख्या आंतरराष्ट्रीय कार्यक्रमात सहभागी होत आहे. गोवा हे भारतातील किंवा अगदी जगातील मोजक्या राज्यांपैकी एक आहे जे सरकारने घेतलेल्या पुढाकारांमुळे कोविड१९ च्या प्रभावातून सावरले आहे. श्री. खंवटे यांनी विरोधी पक्षाच्या सदस्यांना या उपक्रमांमध्ये सरकारसोबत येण्याचे निमंत्रण दिले जेणेकरून ते पर्यटन विभाग करत असलेले नेटवर्किंग स्वतः पाहू, अनुभवू शकतील.
गोवा पर्यटन विभागाकडून चालना देण्यात येत असलेल्या उपक्रमांमध्ये अध्यात्मिक पर्यटन, सांस्कृतिक पर्यटन, इको टुरिझम आणि कॉन्फरन्स टुरिझम यांचा समावेश आहे.
Loading ...
