गोवा पर्यटनकडून #ग्लो ऑन अरायव्हल मोहीम सुरू : मान्सूनमध्ये पुनरुज्जीवित करणारा उपक्रम*

*गोवा पर्यटनकडून #ग्लो ऑन अरायव्हल मोहीम सुरू : मान्सूनमध्ये पुनरुज्जीवित करणारा उपक्रम*

पणजी, १२ जून २०२५ – गोवा सरकारच्या पर्यटन खात्याने त्यांची बहुप्रतिक्षित #ग्लो ऑन अरायव्हल ही मान्सून मोहीम सुरू केली आहे, जी गोव्याला भारतातील सर्वोत्तम मान्सून गंतव्यस्थान म्हणून स्थान देते. ही मोहीम पावसाळ्यात गोव्याच्या अद्वितीय आकर्षणावर प्रकाश टाकते. जिथे धुक्याने भरलेले डोंगर, चैतन्यशील हिरवेगार रमणीय भूप्रदेश आणि पावसाची शांत लय हे वातावरण विश्रांती, नूतनीकरण आणि पुनर्संचयनासाठी परिपूर्ण वातावरण तयार करते.

गोवा पर्यटन पुनरुत्पादित प्रवासाच्या नीतीकडे जुळणाऱ्या तल्लीन अनुभवांवर लक्ष केंद्रित करत आहे. यात शांत फॉरेस्ट व्हॉक, हेरिटेज ट्रेक, आयुर्वेदिक उपचार, योग आणि वेलनेस रिट्रीट तसेच नैसर्गिक वातावरणातील होमस्टे यांचा समावेश आहे. एकत्रितपणे या सेवेचा उद्देश खोलवर, अधिक अर्थपूर्ण शोध घेणाऱ्या प्रवाशांना आकर्षित करणे आहे, जे मन आणि शरीर दोघांनाही पोषण देते.

या मोहिमेबद्दल बोलताना, गोवा सरकारचे पर्यटन संचालक श्री केदार नाईक म्हणाले, की “#GlowOnArrival हे सर्वात जादुई हंगामात, गोव्याला पुन्हा शोधण्यासाठीचे आमंत्रण आहे. गोव्यात मान्सून केवळ निसर्गरम्य सौंदर्याबद्दल नसून तर तो निसर्गाशी पुन्हा जोडणे, आरोग्य आणि आपल्या भूमीची समृद्ध सांस्कृतिक उब अनुभवणे याबद्दल देखील आहे. आम्ही प्रवाशांना गोव्यात येण्यासाठी, शांतता अनुभवण्यासाठी आणि फक्त गोवा देऊ शकेल, अशा तेजाने निघण्यासाठी पर्यटकांचे स्वागत करतो.”

या मान्सून मोहिमेचा एक भाग म्हणून, गोवा पर्यटनाने जून ते सप्टेंबर २०२५ पर्यंत चालणाऱ्या महिन्यानुसार, थीमॅटिक (संकल्पनेनुसार) जाहिराती देखील सादर केल्या आहेत. यामध्ये समाविष्ट आहेत: जून – गोव्यातील महोत्सव, सांजाव आणि चिखल कालो सारख्या उत्साही हंगामी उत्सवांवर प्रकाश टाकणार; जुलै – गोव्यातील गॅस्ट्रोनॉमी, मान्सून-विशिष्ट पाककृती आणि पारंपारिक पाककृतींवर लक्ष केंद्रित करणार; ऑगस्ट – गोव्याचे अनुभव आणि साहस, मान्सून ट्रेक, वृक्षारोपण भेटी आणि साहसी क्रियाकलापांसारख्या पर्यावरण-साहसी पर्यटनाला प्रोत्साहन देणे; आणि सप्टेंबर – जागतिक पर्यटन दिनासह, किल्ले आणि स्मारकांपासून धबधबे, संग्रहालये व निसर्गरम्य मोहिमेपर्यंत गोव्याच्या विविध आकर्षणांवर प्रकाश टाकण्यात येईल.

#GlowOnArrival मोहिमेचा प्रसार डिजिटल प्लॅटफॉर्म, सोशल मीडिया आणि ट्रॅव्हल नेटवर्क्सवर मोठ्या प्रमाणात केला जाईल, जेणेकरून देशांतर्गत आणि आंतरराष्ट्रीय प्रेक्षकांपर्यंत पोहोचता येईल. या मोहिमेद्वारे, पर्यटन खाते गोव्याला एक पुनरुज्जीवित होण्याचे ठिकाण म्हणून स्थान देत आहे. भारतातील मान्सून पर्यटनाची कहाणी पुन्हा परिभाषित करण्याचा यातून प्रयत्न होणार आहे, जिथे प्रत्येक पर्यटकाचे आगमन ही त्याच्या वैयक्तिक नूतनीकरणाची सुरुवात असेल.