मेरशी येथील वर लेडी ऑफ मेरसीज हायस्कूल येथे आंतरराष्ट्रीय योग दिन साजरा
पणजी : आवर लेडी ऑफ मेरसीज हायस्कूल, मेरशी येथे आंतरराष्ट्रीय योग दिन उत्साहात आणि व्यापक सहभागाने साजरा करण्यात आला. एकूण ३२६ विद्यार्थी, शिक्षक आणि कर्मचारी यांनी या आरोग्य व कल्याणासाठी समर्पित दिवशी एकत्र येऊन योगाभ्यास केला.
हा कार्यक्रम प्रमुख फा. आर्नाल्डो पिन्हो, मुख्याध्यापिका सौ. व्हायोलेट पिरीस, तसेच क्रीडाशिक्षक श्री. शेखर के. केरकर आणि श्री. जोनस फर्नांडिस यांच्या मार्गदर्शनाखाली आयोजित करण्यात आला.
कार्यक्रमास प्रमुख पाहुणे म्हणून मा. श्री. गजानंद अराबेकर (उप संचालक, लेखा विभाग, गोवा सरकार – निवृत्त) आणि सौ. शीला काणकोणकर (कार्यकारी अभियंता, सार्वजनिक बांधकाम विभाग – निवृत्त) उपस्थित होते. त्यांनी विद्यार्थ्यांना दररोजच्या आयुष्यात योग समाविष्ट करण्याचे महत्त्व सांगितले व संतुलित मन व निरोगी शरीरासाठी योगाचे मूल्य पटवून दिले.
योग ही आपल्या प्राचीन परंपरेने दिलेली एक अमूल्य देणगी असून ती शरीर, मन आणि आत्मा यांच्यात समरसता निर्माण करते. नियमित योगाभ्यासामुळे एकाग्रता वाढते, तणाव कमी होतो आणि शारीरिक व मानसिक आरोग्य दृढ होते. जे विद्यार्थ्यांना त्यांच्या शैक्षणिक जीवनात आरोग्यदायी जीवनशैलीकडे वाटचाल करण्यास मदत करते.
शाळा व्यवस्थापनाने सर्व सहभागी आणि कर्मचार्‍यांचे आभार मानले आणि विद्यार्थ्यांच्या सर्वांगीण विकासासाठी वचनबद्ध असल्याची पुन्हा एकदा ग्वाही दिली.
Loading ...
